Ильяс Фазлыев: «Яңа елны бергә җыелу өчен көтеп алабыз»

Яңа елны, гадәттәгечә, гаиләбез белән матур итеп каршы алырбыз дип планлаштырдык. Әти-әниебезнең эше күп булу сәбәпле һәм абыемның гел конкурсларда йөрүе аркасында, без бәйрәмнәрне күбрәк бергә җыелу өчен көтеп алабыз.

Чыршыбыз да әллә кайчан бизәлгән, бүләкләребез дә әзер инде.

Бүләкләр дигәннәр, бу елны мин Кыш Бабайдан колакчыннар, айпад һәм каникулларда гаиләм белән күңелле яллар сорадым. Ә киләсе елга минем планнарым гади — яхшы укырга, гаиләм белән күбрәк вакыт үткәрергә һәм дусларым белән күрешергә. Иптәшләремә дә теләкләрем бар — беркайчан да авырмагыз, әти-әниләрегезне тыңлагыз. 

Ильяс Фазлыев, Казан шәһәре.