Икенче сменадан куркып калдым

Мин быел, инде икенче ел рәттән, икенче сменада укыйм. Баштарак куркып калган идем, мәктәптән тыш вакыт калырмы, өй эшләремне кайчан әзерләрмен кебек сораулар борчыды. Ә инде укый башлагач, төштән соң укуы бигрәк җайлы икән дигән фикергә килдем.

Йокым туйгач кына уянам да мәктәпкә әзерләнә башлыйм. Иртәнге якта дәрес хәзерләү җиңелрәк тә икән әле. Вакытны дөрес бүлгәнгә күрә, укудан соң да бик күп эшкә өлгерәм.

Дөрес, мин мәктәптән кайтканда энеләрем мине көтеп арган була инде, тик без барыбер дә уйнарга да, дәресләр хәзерләргә дә вакыт табабыз. 
Камилә Низамова, Казан шәһәре.