Чаллының «Солнышко» терекләндерү үзәгендә “Замана” театр коллективы кунакта булды

Сәламәтлеге чикле балалар һәрвакыт игътибарга мохтаҗ.

Безнең үзәкне чын-чынлап яратып, һәрвакыт күңелле чыгышлары белән шатландырырып торучы “Замана” театр коллективына рәхмәт сүзләрен “Көмеш кыңгырау” газетасы аша белдерәсебез килә.

Безнең үзәктә дәваланучы балалар бу коллектив чыгышларын һәрдаим көтеп алалар. Чөнки һәрбер чыгыш йөрәктән-йөрәккә, күңелдән күңелгә үтеп керә. Балалар арасында мәрхәмәтле аралашу, самимилек, чиксез илһам, куаныч бирә, алар авыруларын онытып, шушы могҗизалы әкият иленә кереп китә.

Шәһәр балалар һәм яшьләр иҗат сарае мөгаллимәсе Закирова Зөлхәбирә Абдулхаевна җитәкләгән “Замана” театр коллективы, 54нче гимназия укучыларына киләчәктә сәламәтлек, иҗади уңышлар телисебез килә.

Безнең коллектив 20 елга якын сузылган хезмәттәшлек җепләре өзелмәсен иде, дигән теләктә кала!

«Солнышко» үзәге логопеды Нурмөхәмәтова Дания Шәвкать кызы.