Бездә күңелле, ә сездә ничек?

Безнең китапханәдә бик кызык була. Анда китап кына алып, укып кына калмыйбыз, ә уйныйбыз да. Әйе шул, уйныйбыз да. Күптән түгеел китапханәче апалар «Экология һәм без» дигән мавыктыргыч квест уены үткәрделәр. Без командаларга бүлендек, капитаннарны билгеләдек.  Экологик викторина сорауларына җавап бирдек. Биремнәрне чишеп, киләсе турга – «Урман патшалыгы»на юл тоттык. Анда хайваннар эзләрен чишәргә туры килде. Уен ахырында «Фантазеры» дигән балалар журналындагы биремнәрне чиштек. Менә шундый ул безнең китапханә!

Айзат Кәлимуллин, Тукай районы, Теләнче-Тамак мәктәбе, 6нчы сыйныф.