Без сезнең белән горурланабыз!

Исәнмесез, “Көмеш кыңгырау” хезмәткәрләре. Без, Балык Бистәсе 
районының Күгәрчен мәктәбе укучылары, сезне Яңа ел белән котлыйбыз. 
Сезгә киләсе елларда да иҗади уңышлар, саулык-сәламәтлек телибез. Без 
сезне бик яратабыз, чөнки кечкенә генә язмаларыбызны да игътибарсыз 
калдырмыйсыз, безгә язарга көч бирәсез. Төрле-төрле бәйгеләр, конкурслар 
оештырасыз. Безнең мәктәп укучылары да аларда бик теләп катнашалар. 
Уңышларыбыз да күп. Соңгы нәтиҗәләрне генә исәпкә алсак та, “Дәвам 
итәбез” бәйгесендә - өч укучыбыз, ә “Хи-хи хикәя”дә бер укучыбыз җиңүче 
булды. Без моңа бик сөендек. Дипломнар белән бергә истәлекле бүләкләр дә 
алдык. Барысы өчен дә бик зур рәхмәт. Моннан тыш Шәүкәт Галиев исемендәге 
әдәби-иҗтимагый премиягә ия булган укучыларыбыз да бар. Без 
үзебезне газета белән ныклы элемтәдә торабыз дип саныйбыз һәм 
горурланабыз.
“Көмеш кыңгырау”  –  республикабыздагы балаларны, яшүсмерләрне иҗатка канатландыра торган бердәнбер газета. Аның гомере озын булсын. 
Газетага сулыш өрүче баш мөхәррир Ризидә апа Гасыймовага, аның иҗади, 
ару-талуны белмәүче командасына чиксез рәхмәтләребезне белдерәбез. 
Сезнең турыда бик күп матур сүзләр язып була... Милләтебезне, телебезне 
үстерүгә армый-талмый хезмәт итүегез өчен бик зур рәхмәт.
Күгәрчен урта мәктәбе укучылары.