Без акциядә катнаштык...

Без, 54 гимназиянең 5в сыйныф укучылары,  Яр Чаллы шәһәрендә узучы “Мин татарча сөйләшәм” акциясендә катнаштык. Бу акция 15нче балалар иҗат  йорты методисты,  шәһәркүләм “Мин татарча сөйләшәм” программасын оештыручы Фирая Рәис кызы җитәкчелегендә уза. Акция барышында "Татар телендә 150 сүз" дигән китапчык ясадык. Шәһәребезнең төрле җәмәгать урыннары  атамаларының  язуларын күзәттек, китапчыкларны тараттык, шәһәрдәшләребез белән туган телебездә аралаштык, сорашулар уздырдык. Барлык кешеләр дә китапчыкларны бик ошатып кабул иттеләр, рәхмәтләрен белдерделәр, олы яшьтәгеләр бигрәк тә сөенделәр.  Шәһәребездә туган телебездә аралашучылар бик күп икәне ачыкланды. Безгә бу акциядә катнашу бик ошады, алдагы елларда  тагын да яхшырак катнашырбыз дип уйлыйбыз.

Зәлинә Миннеханова, 54нче гимназия, 5в сыйныфы укучысы.