Аның белән дуслашуыма бер дә үкенмим

Минем барлык дуслардан иң якын дустым – Камилә. Без Камилә белән 8 ел бер сыйныфта укыйбыз. Камилә – бик яхшы иптәш, чөнки ярдәм кирәк вакытта ул гел булышырга тора. Мин аңа гел үземнең проблемаларым турында сөйлим һәм безнең бер-беребездән бернинди серләребез юк.

Әле без бер сыйныфта гына уку түгел, икебез бергә волейбол, баскетбол түгәрәкләренә йөрибез. Ул мине бик күп нәрсәгә өйрәтте. Шулай ук ул бик матур, тыңлаулы, акыллы, тәртипле. Шаяртырга да бик оста. Аның белән вакыт үткәрүе бик кызык.

Спорт белән генә кызыксынып калмыйча, Камилә шигырьләр, хикәяләр дә яза. Мин Камилә белән дуслашуыма бер дә үкенмим, минем аңа рәхмәтләремне генә әйтәсем килә. Мондый дуслар булганда, берни дә куркыныч түгел. Авыр вакытларда да, шатлыклы чагымда да ул гел минем янымда.

Мифтахова Дилбәр - Күгәрчен урта мәктәбенең 8 нче сыйныф укучысы.