Акыллылар «Акыл-батл»да көрәшә

Без күптән түгел Казаннан «Акыллы-көрәш» сәяхәтеннән кайттык.

Без барган тапшыруның исеме «Акыл-батл» — дип атала. Бу — интелектуаль уен.

Лицеебызның 4нче сыйныф укучылары — Әминә Зәйниева, Рөстәм Авзалов, Сара Газизова, Аделина Сәмигуллина, Ралина Хөсәенова һәм мин парлашып төрле сорауларга җаваплар эзләдек. Алар күбесенчә астрономия, күк җисемнәре турында иде.

Күп балл җыючы — җиңүче була. Мин дә 50 баллдан 48 балл җыйдым. Бу күңелле, акыллы, шаян уен безгә бик ошады. Безне редактор Рамилә апа Сәхабетдинова тагын чакырып калды.

Диана Йосыпова, Чаллы шәһәре, Пушкин исемендәге 78нче пролицей, 4е сыйныфы.