«Агыйдел» җыр һәм бию ансамбленең юбилей концертын карадык

22нче февраль көнен  классыбыз белән  көтеп алдык. Чөнки ул көнне без район мәдәнит йортына  Актаныштан килгән "Агыйдел" җыр һәм бию ансамбленең юбилей концертын карарга бардык.

Тамаша беренче минутлардан ук  барыбызны да үзенә җәлеп итте. Моңлы тавышлы җырчылар, өздереп биючеләр сәхнәне ду китерделәр. Артистларның киемнәре үзенчәлекле, матур иде. Чәчләре чулпы, тәңкә белән бизәлгән. Аякларында чигүле читекләр иде. Биючеләр төрле халык биюләрен күрсәттеләр. Концерт барыбызга да ошады.

Хәйбуллина Зәлинә, Мамадыш районы Үсәли урта мәктәбенең 6нчы сыйныф укучысы.