Җәем файдалы үтте

5-21 июль көннәрендә «Дуслык» сәламәтләндерү-белем бирү комплексында мин дә ял иттем. Лагерьда спорт ярышлары, интеллектуаль уеннар, иҗади кичәләр үтте. Лагерьда ял иткән башка балаларның талантлары, тырышлыгы миңа ниндидер бер көч биреп торды. Аларга карап, мин дә калышмаска тырыштым.

Бу 18 көн эчендә бик якын дуслар булдык. Бер-беребезнең җиңүләребезгә сөенеп, авыр вакытларда ярдәм кулы сузып тордык.

Үзем белән яңа белем, тәҗрибә генә түгел, ә монда үткән көннәр турында җылы хатирәләр дә алдым. «Дуслык» — янәдән әйләнеп кайтасы килгән җир булып, күңелемә кереп калды. 

Белоусова Алисә, «Адымнар-Әлмәт» күптелле гимназиясенең 9 «Б» сыйныф укучысы.

Автор фотолары.