84нче лицей-интернатның «Оба-на» КВН командасы телевизион фестивальдә җиңү яулады

Чаллы шәһәре Гали Акыш исемендәге 84 нче лицей-интернатта инде ничә еллар легендар «Оба-на» КВН командасы яши.

Күптән түгел әлеге команда Казанда үткәрелгән «3 нче Телевизион фестиваль»дә катнашып, 1нче урын яулап кайтты. Бер атна буе без Казанда лагерьда яшәдек. Әлбәттә, безгә анда бик ошады, без анда ниләр генэ эшләмәдек: төрле чыгышлар күрсәттек, бәйгеләрдә катнаштык, яңа дуслар таптык.

Бик күңелле атна булды. Көн саен төрле бәйгеләр, яңалыклар булып торды. Без бик шат бу уенда катнашып, 1нче урын яулап кайтуыбызга. Лицеебызга зур рәхмәтләребезне әйтәбез, безнең өчен борчылып, җан атып торганнары өчен. Бергә без булдырабыз! 

«Оба-на» КВН командасы – АЛГА!

Вәлиева Алия.