Тәкәбберлектән саклан!

Дини китапларда: «Җир йөзендә тәкәбберләнеп йөрмә. Чөнки син җирне тишеп яра алмассың, буең да таулар биеклегенә җитмәс», – диелә.

Мөхәммәд пәйгамбәр тәкәбберлек турында бер хәдисендә болай дигән: «Тәкәбберләнгән кешене Аллаһ түбән төшерер, ихлас күңелле (тыйнак) кешенең исә дәрәҗәсен күтәрер».

Мөхәммәд Пәйгамбәрне беренче мәртәбә күргән бер гарәп, аннан куркып, калтырана башлаган. «Әй иптәш, курыкма! Мин дә арпа икмәге ашаган бер хатынның баласымын», – дип тынычландырган аны пәйгамбәребез.  

Башка пәйгамбәрләр дә үз өммәтләрен тәкәбберлектән сакланырга өндәгәннәр. Әйтик, Нух пәйгамбәр вафат булыр алдыннан балаларын үз янына чакырып китергән дә, аларга васыять итеп тәкәббер булудан тыйган.

Син дә тәккәбберлектән саклан!