Гыйлем – байлык ул

• Мәктәпкә дәрес башланыр алдыннан түгел, алданрак барыгыз.
• Дәрес вакытында сөйләшмәгез.
• Китап-дәфтәрләрегезне чиста тотыгыз, каләмне авызыгызга капмагыз.
• Өйдән чыкканда әти-әниләрегез белән саубуллашыгыз, ишектән яхшы сүзләрегезне әйтеп чыгыгыз.
• Мәктәп юлында уйнамагыз, очраган һәрбер бала белән сөйләшеп вакытыгызны бушка үткәрмәгез.
• Мәктәптә кычкырышып уйнамагыз.
• Ихлас күңелдән белем алу өчен тырышыгыз. Чөнки белемсезләр гаҗәеп күренешләргә тап булсалар да, алардан гыйбрәт ала белмиләр. Су эчсәләр дә, суның нәрсәдән хасил булганын, чишмәләрнең кая киткәнен белмиләр. Гыйлем – байлык ул.

  ---

(Ризаэддин Фәхреддиннең «Нәсыйхать» китабыннан.)