Быел Бәраәт кичәсе 6нчы марттан 7нче мартка каршы кичтә була

Быел Бәраәт кичәсе 6нчы марттан 7нче мартка каршы кичтә була.

«Бәраәт» сүзе гарәп теленнән тәрҗемә иткәндә «бурычтан вә җәзадан котылу», «пакьләнү» дигәнне аңлата.

Бәраәт – гөнаһлардан котылу, бәхет, иминлек, уңыш һәм изгелекләр иңә торган кичә дип санала. Шуңа күрә бу кичәдә мөселманнар Аллаһы Тәгаләдән үзләренең һәм мәрхүмнәрнең гөнаһларын ярлыкавын сорап дога кылалар. Киләчәк бер ел эчендә бөтен мәхлүкатның ризыклары, байлык вә ярлылык хәлләре, дөньяга мөнәсәбәтле дәрәҗәләре, яңа туачак вә ул ел эчендә вафат булачак кешеләр – барысы да бу кичне билгеләнер. Бу кичәне гыйбадәттә, Аллаһ тыйганнарыннан тыелып үткәрергә тырышырга кирәк.

https://t.me/matbugat