Юрисүричүп

Кошларга да, җәнлек-җанварларга да, су хайваннарына да охшамаган булган ул. Җирдә дә йөрмәгән, суда да йөзмәгән, күктә дә очмаган. Елан кебек тә шуышмаган, ятмаган да, тормаган да, утырмаган да — бары тик яшәгән генә.
Аның хәтта исеме дә булмаган.
Шуңа күрә мин аңа үзем исем куштым.
Юрисүричүп, дип. Исеме шәп бит, ә?!
Юрисүричүп... Юрисүричүп...
Әгәр берәрегез кайда да булса, кайчан да булса менә шул Юрисүричүпне очратса, миңа әйтерсез әле, яме?
Кызык бит, ниндирәк җан иясе икән ул?