Туймастамак патшалыгы

Ашаргаяратам дәүләтеннән көньяктарак урнашкан борынгы Туймастамак иленә Туймастамак Комсызашказаны патшалык иткән. Аның исеменең тарихы шуннан гыйбарәт: бервакыт ул ашаганда ботканы савыты-ние белән йотып җибәрә.

Бу патша үлгәннән соң тәхет Туймастамак Икенче кулына күчә. Аның кушаматы Өч Кашык була. Чөнки ул берьюлы өч кашыктан ашый: ике кашыкны ул үзе тота, өченчесен – әнисе...

Аннан соң тәхеткә Туймастамак Өченче, Туймастамак Дүртенче Кәтлит, Туймастамак Бишенче Ачтамак, Туймастамак Җиденче Тагын-Кирәк (ул тәхеттә утырганда тимердән эшләнгән патшалык таҗын да ашаган), Туймастамак Сигезенче Сыр Кисәге килгән. Туймастамак Сигезенче Сыр Кисәге төшке аштан соң өстәл ашъяулыгын йотып дан алган.

Ә Туймастамак Тугызынчы Корыч Яңаксөяге тәхетне бөтен мендәрләре белән ашап бетерә.

Шулай итеп, Туймастамак патшалыгы тарихы шуның белән тәмамлана.