Түшәм белән Идән (әкият)

Яшәгән ди ап-ак, чип-чиста Түшәм. Бер заманны ул болай дип уйлаган: «Идәнгә рәхәт. Ята да ята, бер эше юк. Идән урынына төшеп карыйм әле, эленеп торуы авыр ул».
— Әйдә урыннарыбызны алмашабыз. Син өстән аска карап ятарсың, ә мин астан өскә карап ятармын, — дигән ап-ак, чип-чиста Түшәм үзенең дусты Идәнгә.
— Әйдә, — дигән аңа Идән.
Идән белән Түшәм урыннанын алмашканнар. Идән Түшәм урынына менгән, Түшәм Идән урынына төшкән. Бер заманны өстәге Идән астагы Түшәмгә караса, Түшәм тапталып, кап-кара булып беткән ди.

Фото Фрипик сайтыннан.