Татарстанда «Мәдәни яз» акциясе кысаларында бушлай концертлар һәм күргәзмәләре узачак

Вакыйгалар онлайн-һәм офлайн-форматта узачак. Күпчелек чаралар бушлай була. Акция программасында – спектакльләр, экскурсияләр, концерт программалары, мастер-класслар һәм иҗади очрашулар.

Аның кысаларында ТР Дәүләт халык уен кораллары оркестры концерты, Г.Камал исемендәге Татар дәүләт академия театры оркестрының «Театр&Музыка» концерты, «Хәзинә» милли сәнгать галереясендә күргәзмә, филармония джаз-оркестры концерты, Татарстан Республикасы Милли музеенда «Тарих белән бергә» исемле иммерсив экскурсия һәм башкалар булыр дип көтелә.