Татарстанда балалар өчен беренче Халыкара лагерь узачак

19-29 август көннәрендә Иннополиста узачак лагерьда Россиядән һәм чит илләрдән 100әр катнашучы җыелачак.

Башка илләрдән килгән балалар экскурсияләр вакытында Татарстанның истәлекле урыннар һәм яшьләр объектлары белән танышачак. Алар үзләренең туган иле һәм аның мәдәни традицияләре турында интерактив форматта сөйләячәкләр. Шулай ук катнашучылар өчен махсус Сабантуй бәйрәме үткәреләчәк.

Лагерьның программасында уеннар, иҗат кичәләре, квизлар, республиканың көчле экспертларыннан мастер-класслар, спорт эстафеталары һәм башка бик күп нәрсәләр бар.

Әлеге лагерьга халыкара мөнәсәбәтләр белән кызыксынучы балалар кушыла ала. Мөһим шарт инглиз телен белү В1 дәрәҗәсеннән дә түбән булырга тиеш түгел. Катнашырга теләсәегз, сылтама буенча гариза бирергә кирәк:

https://будьвдвижении.рф/projects/554