Радио көнендә шәп яңалык - «Китап» милли радиосы эшли башлады

«Китап» радиосының җитәкчесе - Алмаз Миргаязов. «Китап» милли радиосы аша дөньяның теләсә кайсы кыйтгасында яшәүче милләттәшләребез татарча җырлар һәм әдәби әсәрләрдән өзекләр тыңлый алачак. 

Татар язучыларының иң күренекле әсәрләре лирик шигырь яисә кыска прозаик фрагмент рәвешендә генә яңгыраячак. Ни өчен өзекләр, чөнки кешенең физиологоик үзенчәлекләренә бәйле рәвештә бер интонацияле язманы 3-5 минуттан да артык тыңлавы авыр. Шуңа күрә озынрак проза үрнәкләре җырлар белән аралаштырып биреләчәк.

Ә эфирда укылачак әдәби әсәрләрне сайларга халык үзе булышыр. 

«Нинди әсәр тыңлыйсыгыз килә, дип социаль челтәрләрдә сораштырып була. Хәйләкәр сораштыру, турыдан-туры сораштыру бар. Шунысына иманым камил: „Китап“ радиосында ниндидер зур бүләкләр алу өчен генә дөньяга чыккан әсәрләр түгел, ә кызыклы, актуаль әсәрләр яңгырарга тиеш. Анда бүгенге көн чынбарлыгына җавап биргән, газетта-журналларда чыккан кызыклы әсәрләр булырга мөмкин», — дип белдерде радио җитәкчесе Алмаз Миргаязов.

Радионы йөкләр өчен сылтама https://play.google.com/store/apps/details?id=com.tatmediaradio