Мәктәптә озынайтылган көн төркемнәре 20.00 сәгатькә кадәр эшләргә мөмкин

Мәгариф министрлыгы төбәк хакимиятләре белән берлектә озайтылган көн төркемнәренең эш графигын үзгәртү мөмкинлеген тикшерәчәк. Мондый йөкләмәне РФ вице-премьеры Татьяна Голикова попечительлек советы утырышы йомгакларын ясаганда бирде.

"...Ата-аналарның мәшгульлеген исәпкә алып, 1-6 сыйныфларда (озайтылган көн төркемнәрендә) укучылар өчен ял, спорт, башка эшчәнлек оештыру өчен гомуми белем бирү оешмаларының булган ресурсларын куллану тәҗрибәсен гомумиләштерергә һәм өйрәнергә..."- диелә советның рәсми сайтында басылган утырыш беркетмәсендә.

Исегезгә төшерәбез, 2022 елның 1 сентябреннән озынайтылган көн группасында балалар өй эшләрен дә эшлиләр. Мәктәпләрдә озайтылган көн төркемнәрен оештыру турындагы карарны ата-аналар кабул итә. Озынайтылган көн группасы күпчелек әниләр һәм әтиләр кебек үк 18.00 сәгатькә кадәр эшли.

Тиздән бу хәл үзгәрергә мөмкин һәм ата-аналарга баланы мәктәптән алу өчен эштән ашыгып китәргә туры килмәячәк.

Яңа графикны оештыру буенча тәкъдимнәр 2023 елның 10 мартына әзер булырга тиеш.

mon.tatarstan