Казанда Хөкүмәт кубогына картинг буенча турнир узды

Казанда Халыкара балаларны яклау көненә багышланган Татарстан Республикасы Хөкүмәте Кубогына картинг буенча ярышлар узды.

Ярышларда Татарстанның барлык районнарыннан малайлар һәм кызлар катнашты, ә шәхси һәм команда турнирларында җиңү өчен ике яшь категориясендә: 8-12 яшь һәм 12-16 яшьләрдә пилотлар көрәште.

Турнирны ачу тантанасына чакырылган кунаклар да бик күп иде. Алар арасында Татарстан спорт министры урынбасары Айрат Әхмәров, Татарстан Дәүләт Советының Законлылык һәм хокук тәртибе комитеты рәисе урынбасары Рафил Ногманов, Татарстан Дәүләт Советы депутаты Артур Әбделҗанов, Татарстан буенча Юл хәрәкәте иминлеге баш дәүләт инспекторы Ленар Габдерахманов, «Юл хәрәкәте иминлеге» ДБУ директоры Рифкать Миңнеханов, «ЮХИДИ ветераннары берләшмәсе» төбәк иҗтимагый оешмасы рәисе Иван Гафуров һ.б. бар иде. Шулай ук автоузышлар буенча Дөнья һәм Европа чемпионы Тимур Тимерҗанов катнашты.

Евгений Шафранов спортчыларга гына түгел, аларның тренерларына да мөрәҗәгать итте: «Биредә Татарстанда картинг белән шөгыльләнүче кешеләрнең күп дигәндә 10 проценты бар, болар барысы да регламент аркасында. Бүген балаларны яклау көне буларак, катнашучыларның тренерларына мөрәҗәгать итәсе килә. Бездә ярышлар бик күп. Балаларның балачагы бушка узып китмәсен өчен күзәтегез».

Ул билгеләп үткәнчә, бер генә картингчы да юл-транспорт һәлакәте китереп чыгара алмый, чөнки алар үз энергияләрен картодромда чыгара.

Алга таба яшь спортчыларны төркемнәргә бүлделәр һәм берәмләп Татарстан Республикасы Хөкүмәте Кубогы иясен ачыклау өчен трассага чыгардылар.

Ярышның нәтиҗәләре түбәндәгенчә:

Команда зачетында Республиканың «Форсаж» клубы командасы җиңү яулады.

Хөкүмәт Кубогына ия булган пилотлар: Айрат Зарипов, Кәрим Әшрапов, Егор Кузьмин һәм Инсаф Садриев.

Көмеш медальгә ия булучылар: Казанның «Чингисхан» командасыннан Илья Алексеев, Камил Зәйниев, Никита Новиков һәм Роман Кудряшов.

Өченче урынга Казанның СТК «МАК-Титан» клубыннан Мурад Зиятдинов, София Клочкова, Николай Фролов һәм Зөфәр Җиһаншин лаек булдылар.

Барлык 183 катнашучы арасыннан Honda GX200 (6,5 а.к. 8 - 12 яшьлек пилот җитәкчелегендә)  классында иң яхшысы дип Казаннан Айрат Зарипов танылды.

Икенче һәм өченче урынга Казан спортсменнары Камил Зәйниев һәм Роман Радеев лаек булдылар.

GX270 (9 а.к.  12 - 16 яшьлек пилот җитәкчелегендә) классында шәхси беренчелектә Николай Фролов җиңү яулады, икенче урында - Роман Кудряшов, өченче урында - Егор Кузьмин.

Барлык спортсменнар да казан клубларыннан. 

Бу хакта тулырак: https://www.tatar-inform.ru/news/2018/06/01/613815/

«Татар-информ», Артур Шипилов.

Бу хакта тулырак: https://tatar-inform.tatar/news/2019/06/01/187344/