Казан укучысы Бөтенроссия геология олимпиадасында җиңде

Казанның Яңа Савин районындагы 179 нчы гимназия укучылары "Җир һәм кеше" XIV Бөтенроссия ачык геология олимпиадасында призлы урыннар яуладылар. Конкурс сынаулары 8-10 декабрь көннәрендә Орджоникидзе исемендәге Россия Дәүләт геология-разведка университетында узды.

Олимпиаданың абсолют җиңүчесе исеменә 10нчы сыйныф укучысы Давид Красоткин лаек булды. 9 нчы һәм 10 нчы сыйныф укучылары Александр Белов һәм Кәрим Сабиров "Файдалы казылмалар" һәм "Гомуми геология" бүлекләрендә беренче урыннарны алдылар, ә 10нчы сыйныф укучысы Рафил Гыйльметдинов "Геоэкология" бүлегендә икенче булды.

Татарстан Республикасы башкарма комитетының мәгариф идарәсе мәгълүматлары буенча, читтән торып үткәрелгән этапта 500дән артык кеше ккатнашкан, аларның 56сы финалга чыккан.

Фото: Казан шәһәренең Мәгариф идарәсеннән.