Информатика буенча БДИда иң киң таралган хаталар аталды

2018 елда информатика буенча БДИда катнашучылар саны рекордлы рәвештә артты.
Тик хаталарсыз да булмый, билгеле. Педагогик үлчәүләр федераль институты белгечләре БДИ-2018 эшләренә анализ ясадылар һәм чыгарылыш сыйныф укучыларына имтиханнарга әзерлек вакытында игътибар итәргә тиешле төп "йомшак урыннар"ны атадылар.
БДИда катнашучылар мәгълүмат модельләренең төрле типларында (схемалар, карта, таблицалар, графика һәм формулалар) мәгълүматны тәкъдим итү һәм санауны таләп итә торган биремнәрне  уңышлы үтәделәр. Шулай ук анализ күрсәткәнчә, мәктәп укучылары хисаплауның позицион системасын яхшы беләләр, компьютер хәтерендәге мәгълүматны икеләтә күзаллыйлар, электрон таблицаларда мәгълүматны эшкәртү технологиясен, программалаштыру теленең төп конструкцияләрен беләләр.
Ә менә башкару өчен график мәгълүматны саклау өчен кирәкле күләмне билгели белергә кирәк булган бурычлар кыенлыклар тудырган. Шулай ук алгоритмнар һәм программалар анализына биремнәрдә, логик чагылышларны төзү һәм үзгәртеп кору биремнәрендә хаталар аз түгел.  Экспертлар уртача катлаулы биремнәрне ныгыту өчен программалар язуында фикер алышырга киңәш итә: мондый биремнәрнең конкрет үрнәкләре педагогик үлчәүләр федераль институты сайтында БДИның демонстрацион вариантларында урнаштырылган.

http://mon.tatarstan.ru/tat/index.htm/news/1385828.htm