Гитарачы егет Мансур

Безнең сыйныф дус, тату. Сыйныфташларымның һәрберсенең төрле хоббилары, кызыксынулары бар. Бүген мин сезне Мансур Мусин белән таныштырырга телим.
— Мансур, сез гаиләдә ничә кеше?
— Без — бишәү: әти, әни, мин һәм ике сеңелем.
— Хайваннар да тотасызмы?
— Бер үгез, тавыклар һәм песиебез бар.
— Мансур, ә син ниләр белән шөгыльләнәсең?
— Бокс, вокал белән һәм гитарада уйныйм. Бокска йөрергә әнием тәкъдим итте. Малай кешеләргә көчле булырга кирәк. Өч беренче, ике тапкыр икенче урын алдым. Ә гитарага өченче класста йөри башладым. Һәм ул да миңа ошап китте. Кайвакыт гитарага әти-әниемне, дусларымны да җырлаткалыйм. Үзем дә концертларда җырлыйм.
— Яраткан дәресләрең нинди?
— Математика, физкультура, тарих һәм рәсем дәресе.
Менә шундый ул безнең Мансур! Барысына да өлгерә.

Эвелина Галимова, Яңа Чишмә гимназиясе, 5нче сыйныф.