Россиядә яшелчә һәм җиләк-җимеш ашауны популярлаштыру атналыгы үтә

21-27 октябрь көннәрен Россия Федерациясе Сәламәтлек саклау министрлыгы яшелчә һәм җиләк-җимеш куллануны популярлаштыру атнасы дип игълан итте.

Яшелчә һәм җиләк-җимеш ашау рационда мөһим урын алып тора. Алар витаминнар, углеводлар, файдалы азык җепселләре, органик кислоталар һәм минераль матдәләргә бай. Яшелчә һәм җиләк-җимешләр кеше рационының нигезе булырга тиеш.

Җимешләр татлы ризыкларга файдалы альтернатива булып тора. Җимешләрдә шикәр күп түгел, су, минераллар һәм клетчатка бар.

Яшелчә һәм җиләк-җимешләрне җитәрлек күләмдә куллану гаять зур файда китерә:

• Балаларның үсүенә ярдәм итә;
• гомер озынлыгын арттыра;
• психик сәламәтлекне саклауга ярдәм итә;
• йөрәк сәламәтлеген тәэмин итә;
• онкология авырулары куркынычын киметә;
• симерү куркынычын киметә;
• диабет куркынычын киметә;
• эчәклек хәлен яхшырта;
• иммунитетны яхшырта.

Яшелчә һәм җиләк-җимешләр – клетчатка чыганагы, ул эчәклек эше өчен аеруча файдалы. Шулай ук ул «начар» холестерин дәрәҗәсен киметүгә дә ярдәм итә. Клетчатка куллану диабет һәм йөрәк-кан тамырлары авырулары куркынычын киметә.

Клетчаткака бай 14 продукт:

• яшел борчак;
• кара фасоль;
• брюссель кәбестәсе;
• брокколи;
• авокадо;
• батат;
• шалкан;
• спаржа;
• кишер;
• банан;
• абрикос;
• инҗир;
• персик;
• груша;
• алма.

Көндәлек яшелчә нормасы

• Яшелчәләрне һәр ашау вакытында кулланыгыз. Мәсәлән, яшелчә гарнирлары ясагыз, яшелчәләрдән салатлар һәм төп ризыклар әзерләгез. Тозланган кәбестә ашагыз, анда С витамины күп.
• Туңдырылган яшелчәләрне рационга кертегез. Аларны үзегез дә әзерләп куя аласыз. Мәсәлән, борыч, брокколи, төсле һәм брюссель кәбестәсен катырырга мөмкин.
• Яшелчәләрне ит һәм балык белән ашагыз. 
• Тозлы һәм маринадланган яшелчәләрдән баш тартыгыз, чөнки аларда тоз, шикәр һәм серкә күп.

Мәгълүмат ачык интернет чыганаклардан алынды.

Фото Фрипик сайтыннан.