Кеше - ул үзе ашаган азык

Кеше организмы, чыннан да, катлаулы технологияле химик комбинатка тиң. Анда, көчле кислоталар кулланмыйча, югары температурасыз һәм басымсыз төрле катлаулылыктагы химик реакцияләр башкарыла. Физиологларның һәм химикларның хезмәтләре безгә бу реакцияләр белән танышырга мөмкинлек бирә.
Кеше организмы, органик матдәләр кулланмаса, үсә дә, яши дә алмый. Үсемлекләрдән аермалы буларак, ул органик булмаган матдәләрдән органик матдәләр синтезлый алмый.
Моннан тыш организмга тән температурасын саклау өчен һәм эш башкару өчен энергия кирәк.