Әдәби сәхифә
Хуш, мәктәбем
Марат Гобәйдуллин шигыре.
Исемдә әле тәүге кат
Мәктәпкә барган көнем.
Беренче укытучымның
Елмайган көләч йөзе.
Рәхмәт сезгә, укытучылар,
Безне үз күргән өчен.
Әткәй-әнкәй кебек назлап,
Сөеп үстергән өчен.
Сабыйлыгым, балачагым
Үтте татлы төш кебек.
Инде без дә таралабыз
Кош балалары кебек.
Моңсу тавышлы кыңгырау
Яңгырый соңгы кабат.
Олы юлга кузгалабыз
Иңнәрдә тоеп канат.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев