Әдәби сәхифә
Баллы кузгалак
Яшәгән ди бер Кузгалак. Бик әче икән бу.
Аны ашаганда балаларның йөзләре чытыла, күзләре кысыла, телләре әчетә икән.
Ә Кузгалак балаларның йәзләре чытылуын, күзләре кысылуын, телләре әчетүен бер дә теләмәгән.
Шуннан соң Кузгалак баллыга әйләнгән. Баллы Кузгалакны балалар бик яраткан. Аны ашаганда аларның йөзләре елмайган, күзләре елтыраган, телләре тәмләнгән.
Хәзер баллы Кузгалакны чәйгә дә салып эчәләр ди, бик яраталар ди.
Тәмле телле, баллы телле, сөйкемле холык-фигыльле булсаң, сине дә шулай яратырлар.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев