Халыкара каһвә көне

Каһвә – цивилизацияле дөньяның иң яраткан эчемлеге.
Томас Джефферсон

Халыкара каһвә көне ел саен 17нче апрельдә билгеләп үтелә. Бу датаны итальяннар билгеләгән. Аларда бу бәйрәм эспрессо көне дип атала.

Халыкара каһвә көне - бу көнне берничә минут булса да яраткан эчемлегеңә игътибар бирү, аның затлы тәме белән дөнья мәшәкатьләрен онытып тору өчен сәбәп.

Каһвәнең тарихы
Риваятьләр буенча, Хәбәшстанда кәҗәләр көтүче Калди яшәгән, ди.

Ул бервакыт кәҗәләрнең билгеле бер агачның җиләк-җимешләрен һәм яфракларын ашаганнан соң, гадәттән тыш тере булуларын һәм төнлә йокламавын сизеп ала.

Калди бу фикерен җирле монастырь башлыгы белән уртаклаша һәм файдалы тәкъдим әйтә. Шуннан соң монахлар шушы эчемлекне эчә башлыйлар һәм төнге гыйбадәт вакытында аларның йокылары килми. Бу хәл якынча безнең эрага кадәр IX йөздә була.

Соңрак каһвә кешелекнең яраткан эчемлегенә әверелә.

Кызыклы фактлар

• Башта эчемлекне әзерләү өчен чи җиләкләр кулланыла. Аннан соң өлгергән җимешләрне аерып алырга, аларны киптерергә һәм йомшагын гына кына кулланырга өйрәнәләр.
• Борынгы гарәпләр май һәм сөт белән катнаштырылган каһвә бөртекләрен организмны ныгытучы чара буларак кулланганнар.
• Иң беренче махсус каһвә кибете 1475 елда Константинопольдә ачыла. Шунда ук йөз елдан соң беренче каһвәханә барлыкка килә.
• Бу эчемлекне куллануны тыярга тырышу беренче тапкыр Госман империясендә 1511 елда була.
• Россиядә каһвә күп еллар буена баш авыртудан кайбер башка авырулардан дәва булып санала.
• Россиядә беренче каһвәханә 1703 елда ачыла.