Бөтендөнья психик сәламәтлек көне

Бу бәйрәм 1992 елдан билгеләп үтелә.

Бәйрәмнең максаты — халыкка психик сәламәтлек проблемалары, психиканы ныгыту, чирләрне булдырмау һәм дәвалау ысуллары турында мәгълүмат бирү.

Психик сәламәтлек — һәрбер иминлекнең нигезе. Яшәү дәверендә кеше стресслы хәлләргә юлыга, бу төрле психик проблемалар китереп чыгарырга мөмкин. Әлеге Халыкара бәйрәм психик сәламәтлекне саклауга багышланган.

Иң киң таралган психик авыру – депрессия. Депрессия мәгълүматның артык күплегеннән, дөньядагы сәяси һәм икътисади тормышның тотрыксызлыгы аркасындагы стресслардан килеп чыга.

Хәзерге тормыш үзеннән-үзе стрессларга этәрә: сәяси, икътисадый вазгыять, эштәге проблемалар стресска китерә. Кешеләр стресс белән көрәшергә телиләр, әмма аны булдырмаска тырышырга кирәк икәнен оныталар. Бүгенге көндә моның бик күп ысуллары бар - көндәлек режимны дөрес оештыру, даими ял итү һәм үз хис-кичерешләрең белән эшли белүдән алып белгечләрнең квалификацияле ярдәменә кадәр.

Кызыклы фактлар

• Психиканың бозылуы 15 яшьтән 24 яшькә кадәрге яшьләрдә еш очрый.
• Планетаның 450 миллион кешесендә психик авырулар бар.
• Табигать – дару. Тикшеренүләр күрсәткәнчә, табигатьтә булу стресс дәрәҗәсен киметеп кенә калмый, ә когнитив функцияләрне дә яхшырта. Саф һавада нибары 20 минут булу да энергияне арттырырга һәм кәефне күтәрергә мөмкин.
• Көлү – сәламәтлеккә юл. Фәнни тикшеренүләр көлүнең кортизол дәрәҗәсен киметүен һәм эндорфиннар дәрәҗәсен күтәрүен раслый.
• Иҗат – дәвалау үзлегенә ия. Рәсем ясау, шигырь яки хикәя язу, музыка кебек иҗади шөгыльләр хис-кичерешләрне белдерергә генә түгел, эмоциональ халәтне яхшыртырга да ярдәм итә. 
• Йорт хайваннары дәвалый. Тикшеренүләр күрсәткәнчә, йорт хайваннары белән аралашу стресс дәрәҗәсен киметергә һәм тормыштан канәгатьлекне арттырырга мөмкин. 

Фото Фрипик сайтыннан.