Тавыклар да күзлек кия

Тавыклар өчен күзлек формасына 1903 елда АКШ та яшәүче Эндрю Джексон патент алган. Тавыклар шул кадәр начар күрәләр дип уйлый күрмә. Алар кешеләргә караганда күпкә яхшырак күрә әле. Бу күзлекләр башка нәрсә өчен кулланылган. Тавыкларга каннибализм хас икән. Алар бер-берсендә яра яки кан күрсәләр шунда ук чукырга тотыналар. Шулай ук бер-берсенең күзләрен дә чукыйлар. Шуның өчен дә аларга күзлек кидерә торган булганнар. Ул тавыкка каршыдагы иптәшен күрсәтмәгән, ә үзенең күзләрен башкалардан саклаган. Мондый күзлекләр әле дә сатуда бар.