Поп-ит һәм симпл-димпл антистресс-уенчыклары укучыларның сәламәтлегенә уңай йогынты ясый дип белдерде Роспотребнадзор белгечләре төрле тикшеренүләрдән соң. 

Поп-ит һәм сипл-димпл уенчыкларының балаларның когнитив функцияләренә һәм психоэмоциональ халәтенә тәэсирен Роспотребнадзорның Новосибирск шәһәрендәге фәнни тикшеренү институты тикшергән.

Антистресс-уенчыклар бармакларның вак моторикасын җәлеп итеп, үзәк нерв системасына тәэсир итәләр. Бу уенчыклар тиз ял итү эффектын бирәләр, моңа дәлил итеп ведомство үзенең телеграм каналында тикшеренү нәтиҗәләрен китерә.

Алга таба уку елы дәвамында мониторинг форматында тикшерелә торган күрсәткечләр исемлеген киңәйтү планлаштырыла.

https://mon.tatarstan.ru/