Кешеләрне дәвалаучы җан ияләре

1 нче урында песиләр. Тикшеренү нәтиҗәләре буенча песиләр стресслардан, алкоголь, наркотик йогынтысыннан котылырга булыша. Йөрәк-кан тамырлары системасына уңай йогынты ясыйлар. Буын авыртуларын басалар.

2 нче урында - этләр. Алар хуҗаларының тормыш рәвешен активлаштыра. Эт селәгәе антибактериаль эффектка ия.

3 нче урында - атлар. Психик тайпылышлары булган, стресс кичергән кешеләр өчен атлар белән аралашу уңай йогынты ясый. Атлар - тынычландыра. Атлар белән бер сәгать аралашу - куррорттагы бер атналык ялны алыштыра ала икән.

4 нче урында - бал кортлары. Алар ярдәмендә табиблар невралгия, ревматоидлы артрит һ.б авыруларны дәвалыйлар. Балның файдасы турында сөйләп тә торасы юк инде.

5 нче урында - еланнар. Аптырап калдыгызмы? Бу чыннан да шулай икән. Еланнар буын, кан тамырлары авыруларын дәвалый ала. Кайвакыт елан агуы онкология авыруларыннан да кулланыла.