Казан зоопаркында “Замбези елгасы” ачылачак
Казан зооботаника бакчасының “Замбези елгасы” дип аталган яңа өлеше август азагында ачылачак. Бу хакта Казан мэриясенең матбугат хезмәтендә хәбәр иттеләр.
“Замбези елгасы”н ачу август азагына планлаштырыла. Ә 2021 елга кадәр барлык җәнлекләрне кайтару һәм зоопарк территориясендәге бөтен читлекләрне дә тутырып бетерү планлаштырыла”, - диелә хәбәрдә.
“Иганә акчаларына "Замбези елгасы” өчен 167 Африка хайваны, шул исәптән арысланнар, гамадриллар, страуслар сатып алганнар. Әлегә алар иске зоопарк территориясендә яши. Ә яңа читлекләргә объектларны тулысынча тапшыргач күчәчәкләр.
Быелның көзендә “Замбези елгасы” зебралар, гепардлар, лемурлар, фламинго һәм башка җәнлекләр белән тулыланачак.
Бу хакта тулырак: https://tatar-inform.tatar/news/2019/06/17/188201/
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев