Юл билгеләре

Исәнме "Көмеш кыңгырау". Мин – Кәримова Элмира, Актаныш Сәләтле балалар гуманитар-гимназия интернатының 3Б классында укыйм. Буш вакытларымда рәсем ясарга, шигырь язарга, китаплар, газета-журналлар укырга яратам. Спорт белән шөгыльләнәм. Волейбол түгәрәгенә йөрим. «Юл һәм мин»  бәйгесендә үземнең көчемне сынап карыйсым килде. Сезнең игътибарга үземнең иҗат җимешемне тәкъдим итәм.

Юл билгеләре

Юлларда көтә безне, 
Тамгалар - юл билгесе.
Светофор да күз кыса,
Үтсен диеп җәяүле.
Велосипедлы да килә –
Доставка бар илтәсе.
Уңга кара, сулга борыл,
Туктап та тор, каушама.
Туры сызыкны син кисмә, 
Билге тора, шуны күр.
Өзек-өзек сызык күрсәң,
Җайлап кына син кузгал.
«Кирпич» тора - ярамый,
Ярамыйга карамый дип,
Барма син анда, тукта.
Кылма син тагын хата.
Юл билгесе күп төрле,
Саклый алар тәртипне.
Алар бар да кирәкле,
Һәрвакыт бул тәртипле.
Тели алар хәерле юл
Узган һәрбер юлчыга.
Бул син уяу, хата кылма,
Тәртипне бер дә бозма!

Кәримова Элмира, Сәләтле балалар өчен гуманитар гимназия-интернат, 3 Б сыйныф укучысы.

Фото шәхси архивтан.