Унберенче сыйныф укучысы Эрлан Муракаев күзләр өчен тренажер ясаган

Программа күпсанлы визуаль мәгълүмат каналлары белән эшләүчеләргә файдалы.

КФУның Алабуга институтындагы "Университет" мәктәбенең 11нче сыйныф укучысы Эрлан Муракаев күрү сәләтен үстерү өчен тренажер ясады.

Тренажер билгеле бер тизлек белән хәрәкәт итә торган фигуралардан гыйбарәт. Уен процессын яхшырту өчен Эрлан тренажерда квестлар системасын уйлап таба.

Бу тренажерның идеясе турында сөйләгәндә, Муракаев бервакыт видеога тап булганын искә төшерә, анда кайбер кешеләрнең күрү өлкәсе һәм игътибар концентрациясе башкаларныкыннан берничә тапкыр зуррак булуы турында сүз бара. Шул вакытта ул когнитив функцияләрне үстерү өчен тренажер булдыру турында уйлана.

Яшь программистның остазлары билгеләп үткәнчә, тренажер балаларга игътибарны үстерү өчен дә, өлкәннәргә дә когнитив функцияләрне саклау өчен файдалы булачак. Мәсәлән, бер үк вакытта күп санлы визуаль мәгълүмат каналлары белән эшләүчеләргә: автоматлаштырылган эш урыннары операторларына, спортчыларга.

Проект өстендә эш дәвам итә.

https://mon.tatarstan.ru/index.htm/news/2175110.htm