Тукай районы Кнәз мәктәбе укучысын махсус хәрби операциядә катнашучыларга ярдәме өчен бүләкләделәр

Бүген Тукай районы Кнәз урта мәктәбенең 7Б сыйныфы укучысы Камил Кусаевны сугыш ветераннары "Махсус хәрби операциядә ярдәме өчен" медале һәм Рәхмәт хаты белән бүләкләделәр. Ул махсус хәрби операциядә катнашучыларга үзенең квадроциклын бүләк иткән иде. Татарстан Республикасы буенча  "Сугыш хәрәкәте ветераннары туганлыгы" ("Братство ветеранов боевых действий") төбәкара иҗтимагый оешмасы җитәкчесе Гайфуллин Рөстәм Миннираиф улы Камилгә һәм аның әти-әнисенә зур рәхмәтен белдерде. "Камилнең бу олы ярдәме игътибардан читтә кала алмый. Аның игелекле эше һәркемгә үрнәк булырлык", - диде ул.