Түбән Камада кызы Александра Зотова укучылар арасында узган Speaking contest ораторлык осталыгы республика конкурсында җиңү яулады, дип хәбәр итә "Нижнекамская правда".

Конкурска республиканың 4-11 нче сыйныфларында укучы балалардан барлыгы 428 гариза килгән. Оештыручылар билгеләп үткәнчә, яшь дикторлар һәм комментаторлар ораторлык сәләтләрен һәм күнекмәләрен күрсәтеп кенә калмадылар, үз яшьтәшләреннән дә осталыкка өйрәнделәр. Теләгән һәркем инглиз, рус һәм татар телләрендә мастер-классларда катнашты.

Түбән Кама кызы Александра Зотованың конкурста туган шәһәре турында сөйләгән видеоролик белән катнашкан. Барлык детальләрне уйлап, нигезле итеп әзерләнгән.

"Мин яңалыклар чыгарылышларын карадым, алып баручыларның кадрда ничек эшләүләрен, ничек утыруларын, аларның мимикасы, тавышы нинди булуын өйрәндем. Мин аларның манераларын, үз-үзләрен тотышларын, интонацияләрен кабатларга тырышып карадым. 

Студиядә бераз куркыныч иде, ләкин мин дулкынлануымны баса алдым. Камералар да куркытты. Әмма мин текстны яхшы белә идем, шуңа күрә бар да килеп чыкты ", - дип белдерде Александра.

Кызны Татарстанның 60 катнашучысы арасында иң яхшы оратор дип таныдылар. Жюри составына методистлар, мәдәният эшлеклеләре, югары уку йортлары укытучылары һәм мәктәп укытучылары керде.

Конкурсны гамәлгә куючылар - ТР Мәгариф һәм фән министрлыгы, Түбән Кама районы башкарма комитетының Мәгариф идарәсе, Түбән Кама химия-технология институты (филиал), Казан милли тикшеренү технология университеты, инглиз телен тирәнтен өйрәтүче 33 нче Түбән Кама урта гомуми белем бирү мәктәбе, В.Г. Тимирясов исемендәге Казан инновацион университетының Түбән Кама филиалы.

https://mon.tatarstan.ru