Тинчурин театрының Чаллыда һәм Түбән Камада зур гастроле башлана
11-13 октябрьдә Кәрим Тинчурин театрының Чаллы һәм Түбән Кама шәһәрләрендә зур гастрольләре уза.
Гастроль татар театрына нигез салучыларның берсе, драматург Кәрим Тинчуринның 135 еллыгы уңае белән оештырыла.
11-12 октябрь көннәрендә Тинчурин театры Чаллының “Энергетик” мәдәният сараенда “Кияү урлау”, “Мәхәббәт баскычы”, “Беренче театр” комедияләрен күрсәтә. 13 октябрьдә исә Тинчурин театры Түбән Каманың Халык иҗаты йортында “Кияү урлау һәм “Беренче театр” комедияләрен тәкъдим итә.
К.Тинчурин театры директоры, Татарстанның атказанган мәдәният хезмәткәре Фәнис Мөсәгыйтов сүзләренчә, иҗади сәфәрләрнең төп максаты – театр ярдәмендә мәктәп укучылары, яшьләр арасында туган телгә, мәдәнияткә мәхәббәт тәрбияләү, милли кыйммәтләрне саклау һәм үстерү.
Рәхим итегез!
Тинчурин театры матбугат үзәге
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев