Татарстанда мәктәп укучылары өчен татар теле буенча олимпиада тәмамланды

11-13 февральдә ТР Мәгариф һәм фән министрлыгының Республика олимпиада үзәгенең «Дуслык» ООК базасында Татарстанның бюджет гомуми белем бирү оешмаларыннан 4-11 сыйныф укучылары өчен Туган тел (татар) буенча мәктәп укучылары республика олимпиадасының йомгаклау этабы узды.

Олимпиадада республиканың 35 районыннан, шулай ук Казаннан, Чаллыдан 287 укучы катнашты.

Җиңүчеләр:

- Тансылу Ганиева, Кукмара районы Г. Г. Гарифуллин исемендәге Сәрдекбаш урта мәктәбенең 4нче сыйныф укучысы. ;

- Хәнифә Гарипова, Казан шәһәре Мәскәү районы Ш. Мәрҗани исемендәге 2нче татар гимназиясенең 5нче сыйныф укучысы;

- Ләйсән Габдрахманова, аерым фәннәрне тирәнтен өйрәнүче Актаныш 2 нче урта гомуми белем бирү мәктәбенең 6 класс укучысы;

- Камилә Йосыпова, Казан шәһәре Мәскәү районы Ш. Мәрҗани исемендәге 2нче татар гимназиясенең 6 класс укучысы;

- Азалия Зәйнагиева, Саба районы Шекше төп гомуми белем бирү мәктәбенең 7 класс укучысы;

- Сирина Борханова, Биектау районы Мүлмә урта гомуми белем бирү мәктәбенең 8 класс укучысы;

- Камил Гыйбадуллина, Саба районы Шекше төп гомуми белем бирү мәктәбенең 9 класс укучысы;

-Рамилә Гәрәева, Актаныш районы Сәләтле балалар өчен гуманитар гимназия-интернатның 10 сыйныф укучысы;

 - Ралина Хәбирова, Әгерҗе районының Исәнбай урта гомуми белем бирү мәктәбенең 10 сыйныф укучысы.

Татарстан, Казан һәм Чаллы шәһәрләренең 28 муниципаль берәмлегеннән укучылар призер булдылар.

https://mon.tatarstan.ru

Безнең телеграм каналга язылыгыз «Көмеш кыңгырау»