Татарстан укучылары КФУның химик лабораторияләрендә тикшеренү эшләре алып бара

 «Сириус. Лето: начни свой проект» россиякүләм белем бирү проекты катнашучысы булган 7 укучы берничә атна дәвамында Казан Федераль Университеты Химия институтының физик химия кафедрасы лабораторияләрендә эш алып барачак. Укучыларның 6сы Казаннан, берсе Әлмәт шәһәреннән.

Һәр укучы полимерларны өйрәнү буенча үз проектын тормышка ашыру белән шөгыльләнәчәк.

Шул рәвешле бу эш сәләтле мәктәп укучыларына җитди галим булырга мөмкинлек тудыра.

Программада катнашучылар лабораторияләргә үз проектларының эксперименталь өлешен ясарга килгәнче, бер ай дәвамында читтән торып лекцияләр тыңладылары. Укучылар үз эшләрендә кулланачак тикшеренү ысуллары һәм химик лабораторияләрдә эшләгәндә куркынычсызлык кагыйдәләре белән таныштылар.

https://mon.tatarstan