Татарстан мәктәпләрендә яшьләрне авыл хуҗалыгына җәлеп итү өчен агрокласслар ачылачак

Системаны эшләү белән махсус эшче төркем шөгыльләнәчәк, дип хәбәр итә Татарстан Республикасы Авыл хуҗалыгы һәм азык-төлек министрлыгы.

«Республиканың агросәнәгать комплексы квалификацияле яшь белгечләргә мохтаҗ. Бүгенге көндә авыл хуҗалыгында 30 яшькә кадәр булган яшьләр нибары 8% тәшкил итә. Без ярдәм итәргә, өйрәтергә, аңлатырга һәм эшкә урнашырга ярдәм итәргә әзер. Балаларның потенциалын ачу, кадрлар әзерләү өчен агрокласслар оештырылачак", - дип билгеләп үтте ТР авыл хуҗалыгы һәм азык-төлек министры Марат Җәббаров.

Проектны гамәлгә ашыруда аграр юнәлештәге югары һәм урта махсус уку йортлары, шулай ук Татарстанның агросәнәгать комплексы предприятиеләре катнашачак. Агроклассларда уеннар, экспериментлар, конкурслар, предприятиеләрдә практикалар форматында узачак профильле укулар оештырылачак.

https://t.me/tatmediaofficial