«Татар сүзе» халыкара нәфис сүз телевизион бәйгесенең гала-концерты узды

Кичә, 28нче март көнне «Татар сүзе» халыкара нәфис сүз телевизион бәйгесенең гала-концерты узды. Анда илебезнең төрле регионнарыннан барлыгы 3200 кеше катнашкан. Шуларның 30ы җиңүче исеменә лаек дип табылган. Алар арасында безнең яшь хәбәрчеләребезнең берсе – Түбән Кама кызы Азалия Кәримова 11 яшьтән 17 яшькә кадәрге катнашучылар арасында шигърият номинациясендә беренче урын алып кайтты.

Казаннан кайтышлый, ул безнең редакциягә дә кагылып чыкты. Һәм инде, әлбәттә, хис-кичерешләре белән дә уртаклашты. Азалияне зур җиңүе белән без дә котладык. Шулай ук, газетабыз белән даими хезмәттәшлеге өчен, Шәүкәт Галиев премиясе кичәсеннән тапшырылмый калган дипломын һәм лаеклы бүләген тапшырдык.