«Татар сүзе» бәйгесенә гаризалар кабул итү 31 октябрьдә тәмамлана

«Татар сүзе» өченче халыкара нәфис сүз телевизион бәйгесе Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән үткәрелә.

Максаты – туган телебезне һәм әдәби мирасыбызны пропагандалау, үстерү һәм саклау; татар классик язучыларының әсәрләрен популярлаштыру, татар әдәбиятына һәм мәдәниятенә кызыксыну уяту. 

Чыгышлар проза һәм шигърият номинацияләрендә бәяләнәчәк. Конкурста катнашу өчен видео форматындагы эшне һәм анкетаны ике дәүләт телендә tnvtatarsuze@mail.ru рәсми почтасына яисә 8(917)391-07-87 номеры аша җибәрергә кирәк.

Катнашучылар түбәндәге яшь категорияләрендә бәяләнәчәк: - 10 яшькә кадәр булган катнашучылар; - 11 яшьтән 17 яшькә кадәр; - 18 һәм аннан өлкәнрәкләр; профессионаллар; - үз шигырен, әсәрен сөйләүчеләр. 

Тулырак мәгълүмат https://tnv.ru/tat/ сайтында. 

https://matbugat.ru

Фото ачык интернет чыганактан.

Көннең кыскача яңалыклары безнең телеграм-каналда https://t.me/chelny_rt