Табигать кочагында – уку залы

Җәй – балалар өчен иң күңелле чор. Җәйге каникулларга чыккач уйнап, күңел ачып йөрү генә түгел, ә яңа китаплар һәм журналлар белән дә танышу өчен шәһәр үзәк китапханәсе Җәйге уку залы оештыра.

24 май көнне шәһәр үзәк китапханәсе каршындагы мәйданда Җәйге уку залын ачу тантанасы узды. Белешмә-мәгълүмат бүлеге хезмәткәрләре балаларны һәм өлкәннәрне кызыклы гәҗит-журналлар белән таныштырып үтте. Шул ук вакытта яшь укучылар мавыктыргыч әдәби викторинада бик теләп катнаштылар.

Китап сөюче дусларыбызны һәр сишәмбе 15.00-17.00 сәгатькә кадәр җәйге уку залыбызда көтеп калабыз һәм җәйне файдалы итеп уздырырга чакырабыз. 

Миләүшә Мөхәмәдиева, Яр Чаллы.