Спектакль дә өйрәтә

Без кечкенәдән үк юл йөрү кагыйдәләре белән таныша башлаган идек. Гимназиядә дә бу турыда һәрвакыт аңлатып, төрле чаралар уздырып кына торалар. Чөнки аларны белү, дөрес куллану бик мөһим.

Чаллы шәһәреннән килгән кунаклар күрсәткән спектакль дә нәкъ шул турыда булды. Без бергәләп юл йөрү кагыйдәләрен кабатладык, табышмакларга җавап эзләдек, рәхәтләнеп биедек.

Спектакль безгә бик ошады. Артист абый-апаларга рәхмәтләребезне җиткердек. Бергәләп фотога төштек. Алар безгә тагын килергә сүз бирделәр.

Илзия Шакирова, Актаныш, Сәләтле балалар өчен гуманитар гимназия-интернат, 1нче сыйныф.