«Сез иң гүзәл кеше икәнсез!» әдәби әсәрләр бәйгесе дәвам итә

Бәйгене «Казан утлары» журналы редакциясе Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән оештыра.

Бәйге 2023 ел — Россиядә Укытучылар һәм остазлар елы уңаеннан үткәрелә. Әдәби бәйгедә каләм ияләре һәм мәктәп укучылары катнаша ала. Ул мәгърифәт нуры таратучы, балаларга аң-белем, тәрбия бирүче укытучыларга, мөгаллимнәргә, татар халкының милли мәгариф тарихына, мәктәп тормышына багышлана. 

Бәйге 2023 елның 1 гыйнварыннан 10 декабренә кадәр бер турда үткәрелә. Җиңүчеләрне игълан итү һәм бүләкләү — 2023 елның 18 декабрендә.

Әсәрләр татар телендә язылган, моңа кадәр массакүләм мәгълүмат чараларында, аерым җыентыкларда басылмаган булырга тиеш. Әсәрләрнең саны чикләнми. 

Бәйгедә катнашучылар үзләренең эшләрен электрон почта аша юллый яки «Казан утлары» журналы редакциясенә флеш-картада китереп бирә ала. Шунда ук катнашучылар үзләре турында кыскача мәгълүмат, фото һәм «Казан утлары»на 2023 елның 1 нче яки 2 нче яртыеллыгына язылу турындагы квитанция фотосын (скан вариантын) да беркетергә тиешләр. 

ПРЕМИЯЛӘР
«Повесть» номинациясе 
I урын — 100 мең сум
II урын — 80 мең сум
III урын — 60 мең сум
Өч кызыксындыру премиясе — 
20шәр мең сум

«Хикәя» номинациясе
I урын — 50 мең сум
II урын — 40 мең сум
III урын — 30 мең сум
Өч кызыксындыру премиясе — 
15әр мең сум

«Шигырь» номинациясе 
(мәктәп укучылары арасында)
I урын — 15 мең сум
II урын — 10 мең сум
III урын — 8 мең сум
Өч кызыксындыру премиясе — 
5әр мең сум

«Повесть» һәм «Хикәя» номинацияләрендә катнашкан иң яхшы әсәрләр — журналда, «Шигырь» номинациясенә килгән әсәрләр журнал сайтында дөнья күрәчәк. Бәйге йомгаклары турындагы мәгълүмат «Казан утлары» журналы сайтында урнаштырыла.

Чыганак: https://kazanutlary.ru