«ШАЯН ТВ» алып баручысы Ислам Хәбибуллин «ТЭФИ-KIDS 2024» җиңүчесе булды

Казандагы 122 нче гимназия укучысы Ислам Хәбибуллин "Балалар өчен программалар алып баручы" номинациясендә "ТЭФИ-KIDS" балалар киносы һәм телевидениесе өлкәсендә Россия милли премиясендә җиңүче булды.

Бүләкләү Et Cetera Мәскәү театрында узды. Шулай ук номинациядә "Солнце" һәм "Россия К" телеканаллары да бар иде.

"ТЭФИ-KIDS" балалар киносы һәм телевидениесе өлкәсендә Россия милли премиясе 2019 елда Россия телевидениесе академиясе тарафыннан гамәлгә куелган һәм балалар контенты белән эшләүче профессионалларның аеруча әһәмиятле эшләрен бүләкли.

Быел премиядә катнашуга 215 эш тапшырылган. Исламны зур җиңүе белән котлыйбыз һәм уңышлар телибез!

Чыганак: https://mon.tatarstan.ru/tat