Бүген, 10 августта, Чаллыга 93 яшь тула. Шәһәр көнендә дүрт мәйданчыкта бәйрәм чаралары узачак. Бу хакта «Челнинские известия» сайты хәбәр итә.

Комсомол районында урнашкан Мәдәният һәм ял паркында 11:00 сәгатьтә «Мой белый город, ты цветок из камня» дигән күргәзмә һәм «Улицы нашего города» дигән викторина уза. Аны шәһәрнең Үзәк китапханәсе үткәрә (0+).

«Энергетик» мәдәният йорты мәйданчыгында 17:00 - 18:00 сәгатьтә «Челны в истории страны» дигән бәйрәм программасы уза. Аны «Энергетик» мәдәният йорты хезмәткәрләре оештыра.

Габдулла Тукай исемендәге яр буенда 18:00 сәгатьтә «Улица Центральная: прошлое и настоящее» дигән җәяүле экскурсия оештырыла. Аны Туган якны өйрәнү һәм тарих музее үткәрә (0+). Экскурсиядә катнашу өчен 18:00 сәгатьтә Тәүбә мәчете янына җыелырга кирәк.

Җиңү паркының кече сәхнәсендә 18:00 - 20:00 «Шәһәр көне» дигән концерт программасы үтәчәк. Аны Love Радио (12+) оештыра.

«Частичное или полное воспроизведение материалов сайта возможно только при наличии гиперссылки на «Челнинские известия»